2020-ci ildə Azərbaycan qazının Bolqarıstana nəqli üzrə planlar açıqlanıb

Azərbaycan qazının Bolqarıstana nəqlini nəzərdə tutan Yunanıstan-Bolqarıstan interkonnektorunun (IGB) layihələndirilməsi, tikintisi və satınalmalar üzrə podratçısı olan Yunanıstanın AVAX SA şirkəti layihənin reallaşdırılması zamanı yaranan istənilən ləngimənin qarşısını alacaq.

Astv.news  bu barədə Bolqarıstanın Energetika Nazirliyinə istinadən məlumat verir.

Qeyd olunur ki, IGB-nin tikintisinin gedişatı Bolqarıstanın Energetika naziri Temenujka Petrova, eləcə də ICGB AD və AVAX SA şirkətlərinin nümayəndələrinin iştirakı ilə müzakirə olunub.

AVAX SA şirkətlərinin nümayəndəsi bildirib ki, interkonnektorun tikintisi yüksək standartlara uyğun davam edir və müqavilədə qeyd edilən vaxtda başa çatacaq: “2020-ci il yanvarın sonunadək Bolqarıstan və Yunanıstan ərazilərində boru kəmərinin bütün marşrutu boyunca işçi sahələrdə müvəqqəti qurğuların tikintisi başa çatmalıdır”.

Podratçı qeyd edib ki, tikinti cədvəlinə uyğun olaraq boruların mərhələli tədarük planı hazırlanır və onların saxlanması üçün müvəqqəti sahələr ayrılır.

Nazir T. Petkova bildirib ki, IGB təkcə Yunanıstan və Bolqarıstan üçün deyil, həm də bütün Cənub-Şərqi Avropa üçün strateji layihədir. Onun sözlərinə görə, layihə qaz təchizatı mənbələrini şaxələndirməyə imkan verəcək.

T.Petkova vurğulayıb ki, Energetika Nazirliyi layihənin vaxtında, Trans-Adriatik Boru Kəməri (TAP) ilə eyni vaxtda başa çatması üçün kömək göstərməyə hazırdır.

Trend.az

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Mərkəzi Gömrük Hospitalında Azərbaycanda ilk dəfə zədələnmiş böyrək kanalının rekonstruktiv əməliyyatı qapalı üsulla icra edilib

Ça Yan 14 , 2020
Mərkəzi Gömrük Hospitalının uzman uroloqu Bəhruz Xalıqov və onun komandası tərəfindən 42 yaşlı pasiyent üzərində Azərbaycanda ilk dəfə zədələnmiş böyrək kanalının rekonstruktiv əməliyyatı laparoskopik üsulla icra olunub. Pasiyent başqa tibb müəssisəsində ginekoloji əməliyat zamanı sağ böyrək kanalının zədələnməsi ilə Mərkəzi Gömrük Hospitalına müraciət etmişdir. Müayinə zamanı pasiyentdə sağ sidik kanalında […]