ABŞ Dövlət katibinin və Dünya Bankının nümayəndələri “ASAN xidmət”in fəaliyyəti ilə tanış olublar

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev ABŞ Dövlət katibinin Avropa və Avrasiya məsələləri üzrə köməkçisinin müavini Corc Kentin rəhbərlik etdiyi nümayəndə heyəti və Dünya Bankının Azərbaycan üzrə ölkə meneceri Navid Həsən Naqvi ilə görüşüb.

Astv.News xəbər verir ki, Agentliyin ictimaiyyətlə əlaqələr şöbəsindən AZƏRTAC-a bildiriblər ki, ABŞ nümayəndə heyəti ilə keçirilən görüşdə ABŞ-ın ölkəmizdə yeni təyin olunmuş fövqəladə və səlahiyyətli səfiri Örl Litzenberqer də iştirak edib. “ASAN xidmət” mərkəzi ilə tanış olan qonaqlara mərkəzlərin yaradılması məqsədi, fəaliyyət istiqamətləri, innovasiyaların tətbiqi barədə məlumat verilib.

Qonaqlar, həmçinin “ASAN Könüllüləri”, “ASAN Radio”, “ASAN Təlim-Tədris Mərkəzi” və “ABAD” publik hüquqi şəxsin fəaliyyəti ilə də tanış olublar.

Dünya Bankının nümayəndəsi ilə keçirilən görüşdə isə agentlik ilə qurum arasında mümkün əməkdaşlıq perspektivləri müzakirə edilib.

Yaradılmış şərait və iş prinsipi ilə tanış olan qonaqlar “ASAN xidmət”ə gələcək fəaliyyətində uğurlar arzulayıblar.

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Dövlət Əmək Müfəttişliyi Xidmətinin regional bölmələrində əmək qanunvericiliyi və onun tətbiqi ilə bağlı hüquqi yardımlar göstərilir

Ç May 1 , 2019
Azərbaycan Respublikası Konstitusiyasının 35-ci maddəsinə əsasən əmək fərdi və ictimai rifahın əsasıdır. Hər kəsin əməyə olan qabiliyyəti əsasında sərbəst surətdə özünə fəaliyyət növü, peşə, məşğuliyyət və iş yeri seçmək hüququ var. Astv.News xəbər verir ki, Əmək və Əhalinin Sosial Müdafiəsi Nazirliyinin ictimaiyyətlə əlaqələr və kommunikasiya şöbəsindən AZƏRTAC-a verilən xəbərə görə, […]