Astarada narkotacir saxlanıldı: Evindən dörd kiloqramdan artıq narkotik çıxdı

Astara Rayon Polis Şöbəsinin (RPŞ) əməkdaşlarının keçirdikləri əməliyyat-axtarış tədbirləri nəticəsində 4 kiloqrama yaxın narkotik vasitə, əlavə olaraq psixotrop maddə və narkotik tərkibli həblər aşkarlanaraq, qanunsuz dövriyyədən çıxarılıb.

Daxili İşlər Nazirliyinin (DİN) Mətbuat Xidmətinin Lənkəran regional qrupundan verilən məlumata görə, Astara RPŞ-nin əməkdaşlarının daxil olmuş məlumat əsasında keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən, rayonun Səncərədi kənd sakini Azər Əliyev 30 qram narkotik vasitə – tiryəki satarkən cinayət başında saxlanılıb.

Əməliyyat tədbirlərinin davamı olaraq, onun Səncərədi kəndindəki yaşadığı evə keçirilən baxış zamanı oradan 3 kiloqram 900 qram narkotik vasitə olan tiryək, 447 ədəd narkotik tərkibli metadon həbi, 35 qram psixotrop maddə metamfetamin və narkotik vasitələrin satışında istifadə etdiyi elektron tərəzi aşkarlanaraq götürülüb.

Faktla bağlı Astara RPŞ-nin istintaq bölməsində araşdırma aparılır.

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Sel minlərlə insanı evsiz qoydu

Ca Apr 2 , 2020
İndoneziyada fasiləsiz yağan yağışlar güclü selə səbəb olub. “Antara” agentliyi xəbər verir ki, güclü yağışlar ölkənin yeddi bölgəsində sellə nəticələnib. 101644 nəfərin zərər çəkdiyi, 3298 nəfərin isə evsiz qaldığı bildirilir. Xatırladaq ki, yeni il gecəsi İndoneziyada sel 60-dan çox insanın ölümünə səbəb olmuşdu. Oxunma sayı : 1. 566