Azərbaycanda “Vitka” ləqəbli narkobaron tutuldu

Balakən Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı növbəti uğurlu əməliyyat tədbiri keçirib.

Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, Rayon Polis Şöbəsinin əməkdaşları daxil olmuş məlumat əsasında keçirdikləri əməliyyat tədbiri nəticəsində əvvəllər də narkotik vasitələrin qanunsuz dövriyyəsinə görə məhkum olunmuş rayonun Qullar kənd sakini, “Vitka” ləqəbli Vidadi Əmralıyev saxlanılıb.

Şəxsi axtarış zamanı ondan 115 qramdan artıq narkotik vasitə olan qurudulmuş marixuana və 5,27 qram çətənə bitkisinin toxumları aşkar edilib.

Davam etdirilən əməliyyat tədbirləri ilə onun Qullar kəndi ərazisindəki yaşadığı evə və evin həyətyanı sahəsindəki tikililərə də baxış keçirilib. Oradan dörd ədəd sellofan torbada ümumi çəkisi 7 kiloqram 50 qram qurudulmuş marixuana, 104 qram çətənə bitkisinin toxumları, iki ədəd elektron tərəzi, 19 ədəd ov tüfənginin patronları aşkar edilərək, maddi sübut kimi götürülüb.

Faktla bağlı RPŞ-də saxlanılan şəxs barəsində cinayət işi başlanılıb, istintaq aparılır.

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Yeni OPEC+ sazişi bağlana bilər

C Mar 27 , 2020
Rusiya Birbaşa İnvestisiya Fondunun rəhbəri Kiril Dmitriyev yeni OPEC+ sazişinin bağlanması ehtimalı haqqında danışıb. “Reuters”ə açıqlama verən Dmitriyev digər ölkələrin də qoşulacağı təqdirdə, neft bazarını tarazlaşdırmaq və koronavirusun iqtisadiyyata təsirini azaltmaq məqsədilə sazişin mümkün olduğunu bildirib. O, qlobal iqtisadiyyata nəzarət etmək üçün ölkələrin birlikdə hərəkət etmələrinə ehtiyac olduğunu qeyd edib: “Birgə […]