Bakıda mənzildən 37 min manat oğurlanıb

Yanvarın 30-da Bakının Nizami rayonunda külli miqdarda oğurluq hadisəsi baş verib.

Bu barədə Oxu.Az-a Nizami Rayon Polis İdarəsindən məlumat daxil olub.

Naxçıvani küçəsində yerləşən evdə yaşayan 59 yaşlı Zəfər Yunusova məxsus mənzildən 10 min manat və 16 min dollar (27,200 AZN) oğurlanıb.

Məlum olub ki, cinayətkar qapı kilidinin açarını götürərək mənzilə daxil olub. Bu hadisə səhər ev sahibinin evdə olmadığı iki saat ərzində baş verib.

Bu hal oğrunun zərərçəkənin gündəlik qrafikini öyrəndiyini göstərir. Güman edilir ki, oğurluq gürcü “qastrolçuları” tərəfindən yox (qapı kilidinə uyğun açarının seçilməsi onların sevimli üsuludur), tanış şəxs tərəfindən törədilib.

Faktla bağlı 24-cü polis bölməsinin əməkdaşları tərəfindən araşdırma aparılır. Hələlik həbs olunanlar yoxdur.

Qeyd edək ki, həmin gün Nizami rayonunda, Babək prospektində yerləşən mağazada daha bir oğurluq hadisəsi törədilib.

Orada işləyən 47 yaşlı Vəli Abbasovun pencəyinin cibindən altı min manatı oğurlanıb. Həmin şəxs pencəyini yardım otağında asıbmış. Saat 13: 00-da o, pulunun oğurlandığını bilib. Şübhəli şəxsin kimliyi hələ müəyyən edilməyib.

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Daha bir partiya nümayəndəsinin səlahiyyətinə xitam verildi

Şb Fev 1 , 2020
Milli Məclisə seçkilərdə daha bir partiyanın nümayəndələrindən birinin səlahiyyətinə xitam verilib. Astv.news məlumatına görə, Mərkəzi Seçki Komissiyasının bu gün keçirilən iclasında Milli Məclisə seçkilərdə qeydə alınmış Müasir Müsavat Partiyasının səlahiyyətli nümayəndələrindən birinin səlahiyyətinə xitam verilib. Belə ki, iclasda bununla bağlı Müasir Müsavat Partiyasının müraciətinə baxılıb. İclasda Müasir Müsavat Partiyasının səlahiyyətli […]

Sosial

İdman

Video