Elmar Məmmədyarovdan xaricdə yaşayan azərbaycanlıların hərbi uçotu ilə bağlı QƏRAR

“Azərbaycan Respublikası vətəndaşlarının xarici ölkələrdə uçotu və haqqı ödənilən əmək fəaliyyəti ilə məşğul olan Azərbaycan Respublikası vətəndaşlarının qeydiyyatı Qaydaları”na dəyişikliklər edilib.

Oxu.Az-ın məlumatına görə, bununla bağlı Xarici İşlər naziri Elmar Məmmədyarov qərar imzalayıb.

Qərarda göstərilib ki, sənədin 3-cü hissəsinin adında “Xarici ölkələrdə daimi yaşayan” sözləri “Xaricdə yaşayan” sözləri ilə əvəz edilsin.

Qeyd edək ki, müvafiq sənədin üçüncü hissəsi xarici ölkələrdə daimi yaşayan Azərbaycan Respublikası vətəndaşlarının hərbi uçotu ilə bağlıdır.

Qərarla 3.1-ci bənddə “xarici ölkələrdə daimi yaşayan” sözləri “xaricdə yaşayan” sözləri ilə əvəzlənib.

Bundan əvvəl həmin bənddə yazılırdı ki, Azərbaycan Respublikasının konsulluğu xarici ölkələrdə daimi yaşayan Azərbaycan vətəndaşlarının hərbi uçotunu aparır.

Bildirilirdi ki, konsulluq kişi cinsindən olan 18 yaşına çatmış vətəndaşların müddətli həqiqi hərbi xidmətə çağırılmaları məqsədilə onların Azərbaycanın Səfərbərlik və Hərbi Xidmətə Çağırış üzrə Dövlət Xidmətinin müvafiq yerli idarə, şöbə və bölməsinə gəlmələrini təmin edir.

Həmin vətəndaşlar üçün doldurulmuş uçot vərəqəsində hərbi vəzifəlilər üçün “hərbi vəzifəli”, çağırışçılar üçün “çağırışçı” qeydləri edilir.

E.Məmmədyarovun qərarı ilə əlavə 2-yə  6-1-ci bənd (“Hərbi vəzifə”) əlavə edilib.

Əlavə iki xarici ölkədə müvəqqəti yaşayan Azərbaycan Respublikası vətəndaşının uçot vərəqəsi ilə əlaqədardır.

Əlavənin 6-cı bəndində göstərilir ki, xarici ölkədə müvəqqəti yaşayış ünvanı, telefon nömrəsi, e-mail qeyd olunmalıdır.

Yeni qərarla isə artıq hərbi vəzifə də göstərilməlidir.

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Bakıda kişi saxta pulla mobil telefon alıb

Ça Yan 14 , 2020
Saxta manatın yayılması ilə bağlı daha bir fakt ötən gün Bakının Nərimanov rayonunda aşkar edilib. Bu barədə Oxu.Az-a hüquq-mühafizə orqanlarından məlumat daxil olub. 17-ci Polis Bölməsinə paytaxt sakini 26 yaşlı Abil Manaflı şikayət edib. Gənc cib telefonunu satmaq qərarına gəldiyini bildirib. Uzun müddət bir alıcı axtarmağa ehtiyac olmayıb, çox keçmədən […]