IOC prezidentindən olimpiada açıqlaması

Beynəlxalq Olimpiya Komitəsi (IOC) Tokio-2020 Yay Olimpiya Oyunlarının koronavirusla bağlı vəziyyət fonunda planlaşdırılmış müddətdə keçirilmə imkanlarına dair qərarını yaxın 4 həftə ərzində açıqlayacaq.

“Report”un məlumatına görə, bu barədə IOC prezidenti Tomas Baxın olimpiyaçı-idmançılara ünvanladığı məktubda bildirilir. Almaniyalı funksioner Oyunların ləğvi variantını nəzərdən keçirməyəcəklərini vurğulayıb: “Tokio olimpiadasının tarixi ilə bağlı yekun qərar qəbul etmək üçün tezdir. Dünyada koronavirusla əlaqədar tez-tez dəyişən vəziyyətin Oyunların keçirilməsinə təsirini, olimpiadanı təxirə salmağa qadir olub-olmadığını qiymətləndirmək üçün IOC Tokio-2020 Təşkilat Komitəsi və Yaponiya hökuməti ilə müzakirələrə başlayıb. Müzakirələri 4 həftə ərzində başa vuracağımıza əminik”.

“Bir tərəfdən Yaponiyada koronavirusla bağlı situasiya yaxşılaşır. Bu da təşkilatçı ölkənin iştirakçıların sağlamlığına qayğı göstərməklə Oyunları bəzi məhdudiyyətlərlə təşkil edə biləcəklərinə əminliyimizi möhkəmlədir. Digər tərəfdən, biz müxtəlif qitələrdə və ölkələrdə virusun kəskin artımını müşahidə edirik” deyə Bax əlavə edib.

Qeyd edək ki, Tokio-2020 Yay Olimpiya Oyunları 24 iyul – 9 avqustda keçirilməlidir.

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Kiçik və orta sahibkarlar üçün hansı dəstək mexanizmləri yaradıla bilər – Ekspert təklifi

Be Mar 23 , 2020
Koronavirus pandemiyasının iqtisadiyyatda yaratdığı zərərlərin qarşılanması məqsədilə Azərbaycan Prezidentinin sərəncamı ilə dövlət büdcəsindən 1 milyard manat vəsait ayrılıb. Bu vəsait 4 istiqamət üzrə formalaşdırılan işçi qrupların təklifləri əsasında zərərçəkən subyektlərə sərf olunacaq. Artıq işçi qrupların tərkibi müəyyənləşdirilib və onlar fəaliyyətə başlayıblar.  Azərbaycan vətəndaş cəmiyyətindən də hazırlanacaq tədbirlər paketi üzrə təkliflər […]

Sosial

İdman

Video