Məktəblilər olimpiadada qızıl medal qazandı – FOTO

Azərbaycanlı məktəblilər olimpiadadan bir qızıl, üç gümüş və dörd bürünc medal qazanıb.

Astv.news xəbər verir ki, Qazaxıstanın Almatı şəhərində keçirilən 16-cı Beynəlxalq Jautikov Olimpiadasında ölkəmizi təmsil edən məktəblilər növbəti uğura imza atıblar.

20 ölkədən 588 nəfər şagirdin iştirak etdiyi olimpiadada informatika fənni üzrə Təhsil Nazirliyinin tabeliyindəki Fizika, riyaziyyat və informatika təmayüllü liseyin 11-ci sinif şagirdləri Abutalıb Namazov qızıl, Murad Eynizadə gümüş və Gəncə şəhər 15 nömrəli tam orta məktəbin 10-cu sinif şagirdi Əziz Hüseynov bürünc medal qazanıb.

Riyaziyyat fənni üzrə Təhsil Nazirliyinin tabeliyindəki Fizika, riyaziyyat və informatika təmayüllü liseyin 11-ci sinif şagirdləri Murad Ağazadə və Abbas Məmmədov gümüş, həmin liseyin 9-cu sinif şagirdi Toğrul Abbasov və Şuşa rayon Malbəyli kənd 1 nömrəli tam orta məktəbin 11-ci sinif şagirdi Vüqar Quliyev bürünc medal qazanıb.

Fizika fənni üzrə Təhsil Nazirliyinin tabeliyindəki Fizika, riyaziyyat və informatika təmayüllü liseyin 11-ci sinif şagirdi Məhəmməd Yusifov isə bürünc medala layiq görülüb.

Beləliklə, Azərbaycan məktəbliləri bu olimpiadada bir qızıl, üç gümüş və dörd bürünc medal olmaqla ümumilikdə səkkiz medal əldə ediblər.

Xatırladaq ki, Azərbaycan məktəbliləri 2006-cı ildən etibarən sözügedən olimpiadada iştirak edirlər və bugünədək 3 qızıl, 19 gümüş, 27 bürünc olmaqla ümumilikdə 49 medal qazanıblar.

İnformatika fənni üzrə beynəlxalq olimpiadalara hazırlıq prosesi “Azercell Telecom” MMC ilə əməkdaşlıq çərçivəsində həyata keçirilir.

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

13 polisi öldürən 21 yaşlı qadın mafiya başçısı belə güllələndi - VİDEO

Ça Yan 14 , 2020
Meksikada polislə atışma zamanı ölkənin ən güclü narko-kartellərindən birinin rəhbəri olan 21 yaşlı Mariya Quadalupe Lopes Eskivelyunun ölümcül yaralanması ilə bağlı kadrlar yayımlanıb. Bu barədə “The Sun” xəbər yayıb. O, gənc olmasına baxmayaraq, Miçokan ştatında hərbçilərə, Milli Qvardiyaya və polislərə hücumları ilə tanınırdı. Bundan əvvəl o, 2019-cu ildə  hüquq-mühafizə orqanları əməkdaşlarına hücum […]

Sosial

İdman

Video