“Naxçıvanda təhlükəsizlik tədbirləri diqqət mərkəzindədir” – İlham Əliyev

“Naxçıvan Muxtar Respublikasının inkişafı daim diqqət mərkəzindədir. Respublikada gedən abadlıq-quruculuq işləri məni çox sevindirir. Naxçıvan son illər ərzində böyük dərəcədə inkişaf etmişdir, həm sosial sahədə, iqtisadi sahədə, sənaye potensialının möhkəmləndirilməsi istiqamətində böyük addımlar atılmışdır. Bu, çox sevindiricidir. Xüsusilə nəzərə alsaq ki, Naxçıvan uzun illər ərzində mühasirə şəraitində yaşayır, üç tərəfdən düşmənlə əhatə olunub. Buna baxmayaraq, respublika yaşayır, güclənir və böyük inkişaf yolunu davam etdirir”.

Astv.news xəbər verir ki, bunu Azərbaycan Respublikasının Prezidenti İlham Əliyev Naxçıvan Muxtar Respublikası Ali Məclisinin Sədri Vasif Talıbovu qəbul edən zaman deyib.

Dövlət başçısı bildirib ki, çətin coğrafi vəziyyəti nəzərə alaraq, ilk növbədə, Naxçıvanda təhlükəsizlik tədbirləri diqqət mərkəzindədir: “Son illər ərzində bu istiqamətdə böyük işlər görülüb, ordu quruculuğu sahəsində böyük inkişaf var. Bu gün Naxçıvan ordusu ən müasir silahlarla təchiz edilib, texnikanın alınması təşkil olunub və bu proses davam etdirilir”.

Sonxeber.az

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Cəlil Məmmədquluzadənin nəticəsi Prezidentə təşəkkür etdi

Be Noy 18 , 2019
“Mən Azərbaycan Prezidenti İlham Əliyevə ulu babam Cəlil Məmmədquluzadənin 150 illiyinin qeyd olunması ilə bağlı sərəncam imzaladığına görə təşəkkürümü bildirirəm”. Astv.news xəbər verir ki, bunu Cəlil Məmmədquluzadənin nəticəsi Martin Cavanşiri ədibin 150 illiyinə həsr olunmuş beynəlxalq elmi-praktik konfransda çıxışı zamanı deyib. O eyni zamanda Azərbaycanın Mədəniyyət Nazirliyinə, AMEA-nın vitse-prezidenti İsa Həbibəyliyə […]