Rusiya və İran viza rejimini sadələşdirəcək

Rusiya və İran vətəndaşların bir sıra kateqoriyası üçün viza rejimini sadələşdirəcək.

AZƏRTAC xəbər verir ki, iki ölkənin bir sıra kateqoriyadan olan vətəndaşları üçün viza rejiminin sadələşdirilməsi ilə bağlı protokol bu gün Moskvada imzalanıb. Bu barədə Rusiya xarici işlər naziri Sergey Lavrov iranlı həmkarı Məhəmməd Cavad Zərif ilə Moskvada keçirdiyi görüşün yekunlarına dair mətbuat konfransında məlumat verib.

Rusiyalı nazir bildirib ki, viza rejiminin sadələşdirilməsi insanlar arasında qarşılıqlı münasibətlərin və ikitərəfli ticari-iqtisadi əlaqələrin inkişafına kömək edəcək. Məsələn, indi hər iki ölkənin sahibkarları qarşı tərəfin dəvəti əsasında sadələşdirilmiş qaydada viza ala biləcəklər.

Fəridə Abdullayeva

AZƏRTAC-ın xüsusi müxbiri

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir