Sevdiyi qızı qaçırıb, anasına xəsarət yetirən şəxsə bəraət verildi

Ali Məhkəmədə adam oğurluğu və qəsdən sağlamlığa yüngül zərər vurmada təqsirləndirilən N.Məmmədovun barəsində olan hökmdən verilən dövlət ittihamçısı tərəfindən verilən kassasiya protesti və kassasiya şikayətinə baxılıb.

Astv.news xəbər verir ki, hakim Hafiz Nəsibovun sədrliyi ilə keçirilən prosesdə qərar elan olunub.

Qərara əsasən, kassasiya protesti və kassasiya şikayəti təmin edilməyib.

İttiham aktına əsasən, N.Məmmədov 22 mart 2017-ci il tarixdə, saat 23 radələrində Bərdə rayonunun Qarağacı kəndində 2001-ci il təvəllüdlü yetkinlik yaşına çatmayan şəxs V.V-nı (Ad və soyad şərtidir – red.) evlənmək məqsədilə Bakıya qaçırıb. O, həmin qızı Bakıda kirayə tutduğu evdə saxlayıb.

Daha sonra V.V-nın anası T.V. qızını evə aparmaq istəyib. Bu zaman N.Məmmədovla T.V. arasında mübahisə düşüb. N.Məmmədov T.V-nın sağlamlığına qəsdən yüngül zərər vurub.

Qadının şikayətindən sonra N.Məmmədov saxlanılıb.

Gəncə Ağır Cinayətlər Məhkəməsinin hökmü ilə N.Məmmədov qəsdən sağlamlığa yüngül zərər vurma ittihamı ilə təqsirli bilinib və bir il müddətə azadlıqdan məhrum etmə cəzasına məhkum edilib. Adam oğurluğu maddəsi ilə isə ona bəraət verilib.

24 iyun 2017-ci ildən 31 iyul 2018-ci il tarixinədək həbsdə olması nəzərə alınaraq, N.Məmmədovun qəsdən sağlamlığa yüngül zərərvurma maddəsi ilə təyin olunan azadlıqdan məhrumetmə cəzasını çəkmiş hesab edilib və barəsində iltizam qətimkan tədbiri seçilməklə məhkəmə zalından azadlığa buraxılıb.

Hökmdən narazı qalan dövlət ittihamçısı apellyasiya protesti və zərərçəkmiş T.V. apellyasiya şikayəti verib. Gəncə Apellyasiya Məhkəməsi hökmü dəyişdirmədən saxlayıb. Daha sonra hər iki tərəf Ali Məhkəməyə müraciət edib.

Oxu.Az

astv.news

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

İt sürüsü məktəbdən qayıdan uşağa hücum çəkdi - VİDEO

C Yan 24 , 2020
Sosial şəbəkələrdə məktəbdən qayıdan uşağa it sürüsünün hücumu ilə bağlı kadrlar yayılıb. Xoşbəxtlikdən 15 yaşlı yeniyetmə birtəhər itlərdən canını qurtararaq evinə qaça bilib. Bu barədə Vesti.ru xəbər yayıb. Hadisə Rusiyanın Severouralsk şəhərində yaşanıb. Bildirilir ki, məktəbdən qayıdan uşağın evinə çatmasına cəmi bir neçə metr qalmış yeddi it üstünə hücum çəkib. […]

Sosial

İdman

Video